YK Gavin Photography

朋友介紹認識到Gavin, 好幾個朋友都大讚Gavin 影相靚，相片用色靚，出相快。搵左Gavin 影BD snap, 用完無後悔，輯相好靚，Gavin 為人都幾nice, 又後生😂，使命必達。

早上出入門時，姊妹做大妗姐時帶氣氛唔夠力度，又會幫手係旁邊提兩句，真係唔話得。

BD 之後幾日已經寄左個靚木盒比我，裝住我同老公既靚相。

Gavin pre wedding影得好專業，指示又清晰易明👍🏻。即日已收到相，啲相靚到張張都似精修完。Memi化妝也化得好好。整體黎講，非常滿足，好慶幸搵到佢哋影相。

好慶幸PW遇到Gavin同埋佢嘅團隊
我地平時好少影相 所以影前都好擔心出到黎個效果唔靚 要影多輯
但拍攝當日Gavin好專業同好耐心咁教我哋擺post 令到影出嚟既效果好自然
另外不得不讚嘅係Gavin嘅效率真係好高 我地即日夜晚已經收到全部調完色嘅相 仲要好多唔洗執已經好滿意！！

最後亦要多謝MUA Memi
當日好細心咁幫我哋化妝 出到黎嘅效果好靚好精緻
而且跟妝跟得好足 令我哋好安心咁影相

再次感謝Gavin團隊及MUA Memi ❤️ 祝你地愈接愈多JOB 幫更多新人留下美好嘅回憶🥰

經歷左一輯3個月都未收到相既pre wedding，而喺Gavin rate card 見到8個鐘回相就好想見識下。當日6點幾影完，夜晚就收到已經調好色既相。啲相高質到唔知點揀30張精修，但最後發現好多張相唔洗精修就可以出街。而喺拍攝過程，Gavin 憑住佢既經驗引導我地擺pose，studio背景雖然簡單，但喺鏡頭下好多變化。佢仲周不時會用唔同既聲線去引我地笑（好有潛質做幼稚園老師呀），拍攝過程完全唔會覺得緊張或者尷尬。
化妝師Phoebe亦精益求精，未到開始拍攝既一刻，佢都會將新娘子既妝容盡善盡美，而拍攝過程都會留意住新娘有啲咩detail位要執。連新郎比Phoebe化完之後都有種煥然一新既感覺🤣
總括嚟講，好滿意輯相，亦好滿意個妝🥰高度推介。

多謝Gavin、強哥和Memi為我們拍攝pre-wedding，當天有風有雨有太陽，乜都齊！

首先，Memi真的做到「加零一」，一朝早就開始化妝set頭，之後跟埋我地出去，貼身協助外不特止，影相過程中，太太的服飾要緊急修補一下，Memi連針線都有，否則太太影PW時都要就住就住！多謝Memi！拍攝方面，當天Gavin和強哥一左一右，一前一後，一火火一近，互相走位，為我和太太影到好多不同角度的靚影，拍攝過程中，他們的風趣幽默不在話下，令要面對風雨太陽輪流來的我們仍然能夠保持燦爛的笑容，所給的提示都十分清晰，讓我們容易擺姿勢。至於，我們揀選的地點，我和太太想有一個由城市到郊外的過渡，其中一個地點是中環煤氣燈樓梯，因地形和天氣所限，拍起來感覺不太理想，然而，Gavin提供很多專業意見，令拍攝出來的結果十分好，到了石澳和不同地方，Gavin團隊很用心和勇於尋找新景點，相片的效果也十分有韻味，更重要的是，我地當晚已經收到pre-wedding的相片，臨瞓前已經可以回味pre-wedding的旅程，實證Gavin的修相效率之高。多謝你和強哥！之後揀完精修的相片，出來的效果的確係「不得了」，女士們最關注的皮膚精修自然做足，就連我有時笑得有點生硬，他都調整了一下，實在驚喜！

從各樣細節，可見Gavin團隊的專業水準。Big Day有Gavin團隊，我和太太都十分放心！