萬華鏡像

在友人介紹下，加上再睇左相關既作品，最後揀左萬華鏡像幫手影Pre-wedding同Big Day既相。

由於我同老婆都好少影認真既硬照，開頭都好擔心會因為我地生硬既表情同動作令到d相唔好睇。不過Zebi團隊係過程都好鼓勵性咁叫我地作出唔同既嘗試，令到我地可以好自然、好快咁咁融入到個狀態。

Zebi團隊亦都好專業，好熟悉婚禮當日既行程細節，令我地係計劃Big Day Schedule同埋當日既流程更加順暢。雖然我地有好多大小問題，但Zebi團隊都好耐性同友善咁答我地問題，要好多謝佢地咁Helpful。

另外好欣賞Zebi對於影靚相既追求態度。例如裙擺放亂少少佢都會要求擺返靚d先再影，又或者係即興見到有個景，佢會即時係果個意想不到既位額外影多幾張靚相。

好多謝Zebi團隊係我同老婆既Pre-wedding同Big Day都盡心盡力去幫忙。向大家誠意推介!

沒有人介紹下，上網參考攝影師既IG相片去揀pre-wedding+證婚既攝影師，目標係想搵d自然d，睇落唔好過多P圖既風格，最終睇中左萬華鏡像，因為佢以往既相睇落都係用陽光打造感覺，比較清新自然。

不過始終未真正接觸過，都有D擔心，但去到證婚當日，Zebi團隊比我感覺好專業，好熟悉證婚流程，清晰提示幾時要進場、如何企位、影合照既順序等等。

影完證婚及一埋大合照，就係附近影pre-wedding，一樣都係清晰提示，好快同順利完成整個攝影。

雖然我無試過其他婚攝，但選zebi團隊我覺得唔會後悔。因為我註冊左先再擺酒，所以影完證婚+pre-wedding後，我都決定左bigday搵番zebi 團隊。
十分推薦

雖然天氣好熱，但各位都好主動，好勤力咁幫我地去影相，亦有幫我地執好多動作同角度，出黎既效果我地都好滿意，動態位例如搶花球都拍得好有動感，正!

Support and thank you~

在疫情之下安排結婚事宜著實不易，其中pre-wedding及big-day當日的拍攝必然是一項重要的安排，我和內子都好高興能夠找到萬華鏡像替我們拍攝。

由於疫情關係，Pre-wedding我們選擇在影樓內在進行拍攝。Zebi團隊的影樓有多種風格的裝潢，令我們頗有好感。而且Zebi他細心有耐性地指示我們拍攝的各種姿勢，在他的掌鏡下，當日拍了一套我和內子都非常滿意和高興的作品。

在big-day前，雖然疫情已經逐漸援和。但不安的心情仍是難以驅散，Zebi團隊不介意向我們詳細解說婚宴當日的種種拍攝流程，亦樂意分享他曾經的所見所聞供我們參考，這種專業的態度的確幫助我們兩人更從容面對big-day的到來。

big-day當日，Zebi及另一位攝影師Dennis非常專業認真，不時提醒我們如何放鬆心情拍照，如何展示出自然的姿態。無論是我們兩口子，或者雙方家長，都對Zebi團隊當日指攝工作非常滿意。

另外，當日忽發奇想到婚宴附近拍攝的照片相當精美，內子非常喜歡。

以上種種開心的回憶，通通都會承戴在一盒古典精緻的木盒內寄回予我們好好保存，這個舉動真的太貼心。

我和內子真的很慶幸找到萬華鏡像合作，非常感謝他們。

我同老婆之前揀big-day photo+video shooting 揀咗好耐，因為我地兩個嘅要求都好高🙈，我好希望早拍晚播條片style要特別唔好咁平庸，而老婆就著重d相影人要靚同自然，同埋好care攝影師容唔容易相處，話曬big day當日又忙又急緊係唔希望多樣嘢操心啦🙊。

結果我地最後好好彩揀到萬華鏡像Zebi嘅團隊。當日見到佢地2P1V三個人都非常nice同好好傾，而且影相/video時好專業同熟手。唔單止會guide住我地新人同兄弟姊妹點樣可以擺pose多d互動同靚d，而且起我地忙緊嘅時候都會積極把握時間捕捉週邊環境/婚禮擺設/賓客神情，事後睇返相都幫我地完整重現返當日嘅回憶。

另外我自己就非常滿意啊Wai嘅早拍晚播片，音樂同風格行型格路線，取材好好而且內容連貫，連朋友都讚話以為睇緊微電影。(老婆仲日日自己loop條片🤣)

最後我同老婆都好鍾意收到嘅相片/USB成品，裝起一個充滿回憶感嘅木箱入面🥰，覺得萬華鏡像團隊由頭到尾都好有heart好專業，無後悔一生人一次揀左佢地😆😂