Cooper Chan Studio

好開心揀左呀樂幫我註冊同big day影相。我同我老公係超級唔識影相，表情生硬嘅人，好多謝阿樂幫咗我哋好多，收到相之後靚到嚇親自己🤣
收到Big day 既相果然冇令我失望，首先出門嘅相影到套褂金光閃閃，連租褂俾我嗰間舖頭都大讚！！
另外，亦都好想大讚呀樂成隊crew。Big day 果日因為落大雨，本身plan 好去邊外影，全部計劃都打亂左，但係好彩佢哋有backup plan, 去左M+影，最後出嚟嘅相都比想像靚！十分推薦！

06.05.2022
我係Facebook 廣告見到Cooper嘅Pre-wedding作品，覺得顏色同posture 都影得好靚，所以就FB向佢查詢，有問必有。最後約埋見面confirm!

拍攝當日，天氣好好，MUA阿魚妝頭靚到不得了！Cooper事前已經教我準備乜props 影相靚d ,事前溝通做到好足，Cooper會comment 地方邊度靚，著乜衫會影得靚同瘦，所以影相當日非常愉快！
Cooper 當日仲有比部相機我即日睇下d相！令我好期待作品！

影完好快收到相，然後比Cooper 精修！要求要精修面，手臂不特止，佢仲會幫手執少少頭髮，細緻位做得好好！

BD當日，收到好多長輩朋友讚我哋輯PW，好開心！

十分推行

初初認識cooper喺Facebook見到佢嘅作品 俾佢色彩繽紛嘅相吸引到 之後就join咗歐洲PW同BD💪🏻超有heart又真係好鐘意影相嘅攝影師☺️☺️又識帶着我地擺pose點樣影先好睇 化妝師呀魚都好貼心 個頭有少少亂都即刻衝過嚟幫我執下❤️❤️ 好幸運搵到cooper幫手🙏🏻🙏🏻

好愉快輕鬆嘅一日～先係阿魚&Cooper比預期早到，好準時又chill地化妝，阿魚連我皮膚缺水都照顧埋，上妝前即時幫我補濕，好細心，個妝好貼面同上鏡👍🏻。化完真係岩岩好出發，時間管理好勁👍🏻我地對影相地點都冇乜心水，嗰日又天陰陰天文台話會落雨，Cooper好專業咁俾左啲雨天都唔太大影響、冇乜泥濘濕地嘅地點我地揀，就去馬啦！攝影過程中佢地好周到，隨時都留意幫手拎手上嘅花呀、捲裙尾、噴蚊怕水、甚至帶埋透明雨遮道具in case落雨影相用，諗到諗唔到會用到嘅野佢地都有齊晒，啲準備功夫真係好周全👍🏻影之前仲俾建議我地買唔買仙女棒影夜景玩，又建議埋唔好買邊款，好有經驗👍🏻影嘅過程佢地又好照顧我啲頭髮絲有冇俾風吹亂到、裙擺擺得靚唔靚。Cooper好識隨機應變，沿途見到啲風景意景靚又會幫我地影一輪，因而多左一堆意料之外嘅靚景相。又有相熟司機租埋，全日成個氣氛好輕鬆自在搞笑，架車又舒服啲冷氣又夠，影足全日第日都可照常番工唔覺得攰，好滿意嘅PW體驗👍🏻鐘意你地嘅團隊，lovely💕

同未婚夫揀pre-wedding 揀咗好耐，去過2個婚展行咗2日同睇勁多Ig shops都唔啱⋯ 原因係出名嘅pre-wedding photographer 唔係無，但有時我覺得啱feel嘅style，偏偏新郎就話感覺構圖唔夠工整唔鐘意；到新郎鐘意嘅攝影師，又影人唔一定係好好睇⋯ 所以搵咗好多間出名嘅婚攝影師都唔啱心水，因為d相以後大家就睇一生一世。

好彩最後網上睇唔同網站搵得到香港十大婚禮攝影師嘅Cooper，而睇過佢作品，風格構圖我地兩個都好鍾意，最後終於揀好係佢。 結果攝影個日見到佢非常nice好好傾，同影相時好專業同熟手，仲好彩有同樣好好人嘅化妝師 Fish (好nice好體貼同手勢好好)

P.S. 去到揀相同執相我同新郎都諗左好耐同俾左好多意見（因為始終我地都好緊張 🥶），好在Cooper都好有耐心一一同我地講解可以點執同埋最後全部相都好滿意😊 雖然Cooper同Fish都好專業同可以比意見，但佢地兩個最後都會尊重新人嘅意願，因為佢地話最緊要新人鐘意同開心。

10個字：過程好開心、態度💯分 ❤️☺️