ManOkulo 手・目

好開心pre wedding 同埋big day 都係Sai 嘅團隊。
Pre wedding 嘅提議Sai 都好專業，亦都會就住我地 鐘意嘅野去影，我地唔係咁識影相都可以俾到好清楚嘅指示跟住做。
Big day 方面Sai 花好多時間同我地傾同了解我地rundown, 當日團隊搞氣氛亦非常之好，親友們好開心。我地rundown 時間好少Sai 都可以就地取材影靚相。攝影由朝踩到晚咁攰都可以非常專業。
Sai 對相方面要求都好高，詳細可以去佢IG Manokulo 度睇！
5*/5*

☺️好開心遇到Sai
係IG 偶爾見到Sai 影pre wedding 作品
因為見到喺鏡頭之下嘅新人都好自然
之後就決定搵佢幫我哋影

中間既過程都好滿意
Sai會好細心陪我哋係試衫
同我哋坐低傾吓想去影嘅地方
前一日仲提醒我哋要早啲休息同埋帶齊啲用品

始終都係第一次影
我同老公難免有啲緊張同埋表情生硬
Sai & 助手都會細心照顧我地
(🙈仲要帶埋蚊膏俾我哋）
提醒我哋放鬆享受個過程先係最重要
辛苦晒Sai & team要8個鐘陪我哋去跑行程

早排收到相💛
係我地心目中想要既
唔會係一般攝影公司一板一眼嘅姿勢同埋角度
而係有溫度 溫馨嘅小品
☺️我哋都好開心有呢一個經歷
Thanks Sai & Team

我地臨時決定影pre wedding的，感謝Sai專業團隊幫忙，可以於咁短時間順利完成！佢地好貼心提醒拍攝準備事項及當日細節等，我地都放心交予他們處理。另外，佢地於不同細節上跟我們溝通，因應我們提供資料，提供專業意見/構思，我地十分滿意ManOkulo的服務。Thanks!

好多謝ManOkulo 手・目 -攝影師呀 Sai 幫我地影咗一輯好滿意的pre-wedding 相。

2020年年尾我開始留意影prewedding 的公司，
好老實講，我對pre-wedding 相好有要求，始終一生人一次，梗係想影靚啲啦。但係睇咗好多間，網上都好多廣告，都吸引唔到我去問佢哋資料，就算去埋婚展都睇唔啱。

有一日無意中見到ManOkulo 手・目 的相，就俾佢吸引住左，特別係有一輯喺郊外影嘅婚紗相，好深刻，覺得好靚，咁就認識咗ManOkulo 手・目 -攝影師- 呀Sai。

因為從來冇影過，完全唔識，好多資料都想問清楚。呀Sai 一直都好耐心解答我問題同俾好多參考意見。

呀Sai非常專業，除咗去咗實地考察我哋想影嘅景之外，都會好細心了解吓我同未婚夫有乜嘢日常生活同回憶，盡量配合到我地想加的元素。其實影一輯相，一個攝影師專唔專業係好易睇得出。

我地收到緝相後開心到不得了，因為呀Sai絕對係影到我地想要嘅野，本身我地都一直好擔心自己無影開相會好緊張同埋唔自然，但係呀Sai會時常提醒我地放鬆心情去影相就得，拍攝當日非常順利，同埋對我地來講係一個好美好嘅回憶。

俾咗啲朋友同屋企人睇，佢哋個個都話影得好靚，仲叫我介紹俾佢地。

真係好多謝呀Sai，相簿同油畫都收到啦，我哋都係好滿意。非常推薦ManOkulo 手・目 。

攝影師Sai 嘅團隊10分專業，化妝師和攝影助手亦都10分細心和樂意幫忙，攝影師會同顧客了解他們的需要和喜好，按個人喜好作出建議，所以我十分滿意他們的服務。